• ora malagasy

    Famantaran'andro malagasy, miavaka raha samy mponina isika, raha jerena amin'ny samy firenena an-dalam-pandrosoana, dia azo heverina fa anisan'ireo firenena nanana vahoaka marani-tsaina tokoa i Madagasikara. Tsy nanana ny fanondroavaratra isika na ny bousole, fa nahalala kosa ny avaratra, atsinanana, andrefana, antsimo tamin'ny alalan'ny fikisahan'ny masoandro. Mbola mampitolagaga mandrak'ankehitriny ny fahafehezan'ny Ntaolo ny natiora. Tamin'ny alalan'ny fandinihiny ny zava-boary, ny biby, ny lanitra, ny kintana, ny masoandro dia afaka nanana ny marik'androny ny Ntaolo. Inty àry omena anao ny famataran'andron'ny Malagasy fahizany.

  • ORA                                        MARIK’ANDRO
    12 ora alina                                  misasakalina
    1 orasy sasany                             mitrena ombilahy
    2 ora maraina                               maneno sahona
    2 ora sy sasany                            mivoaka goaika
    3 ora maraina                              maneno akoho
    3 ora sy sasany                            maneno fitatra
    4 ora maraina                              mazava ratsy
    4 ora sy sasany                            mifoha  olo-mazoto
    5 ora maraina                              mifoha olona
    5 ora sy sasany                           mipoaka andron-dolo
    6 ora maraina                              miranandro
    6 ora sa sasany                           maim-bohon-dravina
    7 ora maraina                             vaky masoandro
    8 ora maraina                              misandratr’andro
    9 ora maraina                              mivoaka omby
    9 ora sy sasany                           mivoaka omby tera-bao
    10 ora maraina                            atoandro be nanahary
    11 ora                                        ambolomboditrano ny andro
    12 ora atoandro                           mitatao vovonana
    1 ora                                           mihilana ny andro
    2 ora                                            tafalatsaka ny andro
    2 ora sy sasany                    am-pamatoran-janak’omby ny andro
    3 ora                                       am-pitotoam-bary ny andro
    3 ora sy sasany                           am-bava-fisoko ny andro
    4 ora                                            tafapaka ny andro
    4 ora sy sasany                          mody omby tera-bao
    5 ora                                           mody omby
    5 ora sy sasany                          mena masoandro
    6 ora                                           maty masoandro
    6 ora sy sasany                  maizim-bava vilany tsy ahita-mitsinjo na
                                                  tsy ahitantsoratr’omby
    7 ora                                         manokom-bary olona
    8 ora alina                                  homam-bary olona
    9 ora alina                                  tapi-mandry olona
    9 ora sy sasany                              loha-tory
    10 ora alina                           mivoaka mpamosavy
    11 ora alina                              mamaton'alina


    votre commentaire


    Suivre le flux RSS des articles de cette rubrique
    Suivre le flux RSS des commentaires de cette rubrique