• Mita adidy

    Efa eto isika izao

    hiaraka handrandrana

    hiaraka hitanika

    hiaraka hametraka

    ny anjaran-janatsika

    na ho toky na ho ratra

    na ho hendry na ho adala

    na ratsy koa na tsara

    izay voavimbintsika eto

    tsy misy azontsika ovana

    f'izay tavelan'ny misy

    no hataony famantanana

    Ka dien'izao izaho s'ialahy

    tsy aleo ve mba mikiribiby

    tsy hahalala fanina

    na tsy hitelon-drano aza!

    Fa tena mba hikitra mb'etsy

    hananika ny eroa

    mba farafaharatsiny

    izy ireo tsy ho lany angovo

    vao manomboka ny orany

    izy ireo mb'ho fahaleovan'ny

    tenantsika rehefa any aoriana

    Ary mba ho sambatr'izy

    satria nanan-dray sy nanan-dreny

    nihempan-tanan-tsy niteny!

    Mba ho faly izy ireo

    hivahiny toa antsika

    fa tsy hiaritra ny hatsiaka

    navelan'ny ririnina hikosoka azy.

    Mba hitoetra ho hareny

    izay rehetra nitsembohan'

    ireto tetezana nihitany.

     

    Izaho sy ianao

    hanainky hitsena

    ny fahatongavan-janatsika

    an-kafaliana sesehena

    ary samy hahatsapa koa

    fa manana omena

    izay takian'ny fisiany,

    F'isika izao no tokontaniny

    Hisantarany ny mamin'ny

    eto an-tany anjaramisiny.

     

     

    Ny Ampinga

    24/10/2012

    « Tontolom-panambadiana malagasyNy Randrana »