• ho faty tsy hisahiranana

    azafady ho fangataham-pitahiana eto am-pamosahana ny marina momba ahy sy ny misy rehetra....

    fa raha ho avy ny andro, hihintsana toy ny ravina koa ny aina
    ary hitsahatra amin'izay ny dia an-tongotra lavareny,
    dia iriko aho mba ho resy mahia!

    asa angaha fa izay mihitsy no iriko, ho faty mahia, satria
    mba hihena ny fitsetsefan'ireo mpihinan-tsy mitsemboka any ambany rangolahy,
    mba ho tsy tavin-kena tsara fono no hafatratra any anaty haizina
    mba tsy ho sakafom-pahalovana ny ambaindaim-pisahiranako

    mba iriko rehefa tena tonga izay,
    tsy hanaraka hatrany ny fanambakana mpahazo ahy, fa mba hilamina tokoa
    tsy hitohy ny fanjifana tsy ara-drariny ny ahy sy maha-izy ahy
    fa ny fisiako moa: izay sisa tsy levona dia alefan'ny sento mifafy any anaty fanadinoana.

    iriko aho ho faty mahia: mho faty tsy hisahirananaba tsy ho hatrany am-pasana aho no ho vesatra ho an'ny hafa
    iriko aho faty mahia, mba sitrany ny atsasa-dambako hanafiana ny malahelo,
    ary mba sitrany ahay mora levona ny anarako sy ny tamingako
    fa izaho sy ny tsy fisiako mety hanelingelina ny hafa.

    iriko koa ianao sakaiza, mba hisaina anefa vetivety
    fa lafatra ny henan'olombelona!

    ny vovoky ny aina, ilay vovoka miaina!

                                                  Ny Ampinga
                                                    21/06/12

    « Ny androngoTontolom-panambadiana malagasy »