• Avela ho samy diso

    HO FAHADISOAKO NY MITELINA NY ANDRO LASA HO ISAN'NY TADIDY
    SAINGY RAISIKO NY AHY HO HELOKA TSY MILA IFONANA
    HO JALY TSY ILANA RANOMASO
    HO HAIZINA TSY MILA MPITSOLO
    SATRIA MAZAVA AMIN'NY ANTSIPIRIHANY
    FA NY IRAY AMITSIKA TSY MAINTSY DISO
    KA RAHA IZAHO IZAY
    DIA HO AHY NY HADISOANA
    SAINGY IZAHO TSY HIFONA
    NA INONA METY HIHATRA NA INONA HIDONA

    TSY MANINONA KOA FA AVELAO ANDRAMAKO HOSITRANINA NY RATRA
    NAVELAN'NY FIAINANTSIKA
    TAO ANATY FO
    DIA SAMIA MANANGANA NY FONENANY LAVITRY NY ALOKA MANDINDONA
    SAMIA MITADY HAZAVANA FA SAMY NANARY TENA
    FA TONTOLO TSY MIFANGORAKA NY ANTSIKA
    SAMY ZAZA TSY VONONA NY HIFAMPITAIZA;

    SAMIA AMIN'IZAY MIVIMBINA NY OLANY
    SAMIA MITONDRA NY TENANY
    REHEFA TSY AFAKA NY HIFAMPITONDRA ENY AMIN'NY TONTOLO SAIKA HANJAKANA MIARAKA
    SAMIA MITSINJO NY HO AVINY
    REHEFA TSY VONONA NY HIARA-HITSINJO HO AVY IOMBONANA
    FA TOA TONTOLO IFAMITAHANA NO HIFAMBOSENA ISAN'ANDRO IZAO
    TONGAVA MIHITSY LAVITRA HO REHAREHAN'NY DINIKA VITSY NIFANAOVANA.


    MAHAZO MANANTENA FAHATANTERAHA-TSITRAPO IZAY LAVITRY NY SAKANA
    MAHAZO MITELINA FANADINOANA IZAY EFA VITA VELOMA
    MAHAZO MITAZANA ALOKA MANDALO IZAY TADY HO TRA-NENINA
    FA ETO TONTOLO TSY MIFANGORAKA
    TANETY TSY MIFANKA-TRATRA,
    SAMY MIANOKA NY ANJARA MASOANDRONY.


    NY AMPINGA

    « Ho mazava ny tontoloNy Adrisa »