• Andra-pamoizam-panahy


    Nohon'ny afitsoky ny embona ihany
    dia mivezika tsy mba mivazo ny valihiko
    lonjoim-panirina tsy misondrotra ny fanahy
    zary te honina any amin'ny tany hay
    hamafy ny voan'ny fanantenana


    Toa feno tahak'izay sy raha izay ny tanetiko
    maka faka sy latsapako, misandra-taho mamingana ny alahelo
    mikiky ny rindrim-panadinoana ny hoho,
    mba sitrany ahay, hahita azy na dia tsy afa-manova ny lasa aza.


    Misari-maso hitodika ny tantara
    tsy mivena ho vonga azo raisina, fa mitoetra ho vato misakana
    hotaina fady amin'ny fanadinoana, sao mamorika!
    arendrika amin'ny afo anefa tsy mety levona.


    Io mitambesatra amin'ny fandrosoako io
    zaza notinaizan-drahafonizany
    tsy nety mihena, fa mitombo am-pahanterana
    nandalovako fotsiny, fony nandona
    fa tsy foiko havela, rehefa lasana.

    Ny Ampinga

    novambra 2013

     

    « Antso Fanahi-anaNy fahanginako »